குருநகர் சமூக சேவை அமைப்பு - கனடா அமெரிக்கா

துவக்கம்

குருநகர் சமூக சேவை அமைப்பு - கனடா அமெரிக்கா அமைப்பானது 1996ஆம் ஆண்டு ஆரம்பமானது எவ்வாறெனில், 1970 மற்றும் 1980 களில் எமது குருநகர் ஊர் குடும்பங்கள், கனடாவிற்கு வந்து குடியேற்றம் அடைந்த குடும்பங்களை அழைத்து நட்பு பாராட்டி, விருந்துபசாரத்துடன் கடல் கடந்த உறவுகளை வளர்த்து கொண்டு வந்தனர். பிறகு படிப்படியாக பல குடும்பங்கள் இந்த ஒன்றுகூடல் நிகழ்வில் பங்கேற்றுக்கொண்டதால், இந்த நிகழ்வை நமது சமுதாய முன்னேற்றத்திற்க்காக பயன்படுத்திக்கொள்ளலாம் என்ற உயர்ந்த நோக்கத்தோடு, அனைவரையும் ஒருங்கிணைத்து உருவாக்கப்பட்டது தான் இந்த குருநகர் சமூக சேவை அமைப்பு - கனடா அமெரிக்க அமைப்பு. 

உயரிய நோக்கத்துடன் உருவாக்கப்பட்ட அமைப்பு என்று நின்றுவிடாமல், அதை செயல்படுத்த அணைத்து குடும்பங்களும் மாதம் $10 நன்கொடையாக கொடுத்து, அதில் வரும் பணத்தை எமது ஊர் மக்களின் முன்னேற்றத்திற்காகவும், எளிய மக்களின் உதவிக்காகவும் பயன்படுத்தும் திட்டத்தை அறிமுகம் செய்து அதில் வெற்றியும் பெற்றோம்.  

முதலாவதாக எமது ஊர் வருங்கால சந்ததியினரின் கல்வியை மேம்படுத்த, ஆரம்ப கல்வி பிள்ளைகளை பள்ளியில் பதிந்து அவர்களுக்கான பள்ளி கட்டணங்களை எமது அமைப்பு ஏற்றுக்கொண்டது. அதோடு நின்று விடாமல் அவர்களின் சீருடை, புத்தக செலவுகள் என்று அனைத்தையும் எமது குழு ஏற்றுக்கொண்டு , எங்களின் சமூக தொண்டின் முதல் அடியை எடுத்து வைத்தது. அவர்களின் வாழ்வு மேலும் சிறக்க விளையாட்டு போட்டிகள், கிறிஸ்துமஸ் விழா கொண்டாட்டங்கள், குழந்தைகள் தின கொண்டாட்டங்கள் என்று அணைத்து செலவுகளையும், ஏற்றுக்கொண்டு அவர்களின் வாழ்வில் மேலும் மகிழ்ச்சியை புகுத்தியது எமது அமைப்பு. அதுமட்டுமில்லாமல், தனிப்பட்ட நபருக்கோ, எதேனும் குடும்பத்திற்க்கோ உதவிகள் தேவைப்பட்டால், அதை அவர்கள் கடிதம் மூலமாக தெரிவிக்கும் பட்ச்சத்தில், அமைப்பில் உள்ள நிர்வாகிகள் கலந்து ஆலோசித்து அவர்களுக்கான உதவிகளையும் அமைப்பு செய்து வந்தனர்.